7,8,14,15,21 en 22 Maart It Moat Kinne spilet Sil de Strânjutter

‘It Moat Kinne’ bringt it ferhaal fan Sil de Strânjutter ta libben

BROEKSTERWÂLD – Dit foarjier stiet der yn Broeksterwâld in bysûnder toanielstik op de planning. Toanielferiening ‘It Moat Kinne’ bringt de Fryske produksje fan Sil de Strânjutter op de planken. Basearre op it populêre boek fan Cor Bruijn, fertelt it stik it oansprekkende en spannende ferhaal fan Sil, de legindaryske strânjutter dy’t syn libben wijt oan it rêden fan skipbreukelingen lâns de ruige Waddenkust.

Under lieding fan regisseur Regina Visser bringt toanielferiening ‘It Moat Kinne’ it ferhaal fan Sil ta libben yn in oansprekke, Fryske foarstelling dy’t sawol foar jong as âld tagonklik is. Guon minsken yn it publyk sille it ferhaal kenne út de tillefyzjesearje of fan it boek dat yn sân talen útjûn is. It ferhaal spilet him ôf op Terschelling. Dat jout in ekstra laach oan it ferhaal. It stik dûkt djip yn de tema’s fan aventoer, natuer, famylje en de striid tusken it minsklik ferlet fan frijheid en de útdagings fan it libben.

Oer ‘Sil de Strânjutter’ It ferhaal spilet him ôf op it fan de rest fan Nederlân ôfsletten Terschelling oan it ein fan de 19e ieu. Sil Droeviger wennet mei syn frou Jaakje en syn soanen Jelle en Wietse yn in ienfâldige boerepleats en liedt in tamlik arme iten. Hy falt syn boerenynkommen oan mei strânjutten. As syn frou Jaakje befallt fan in doodgeboren famke, witte Jaakje en Sil dat se noait mear bern krije sille. Op in stoarmige nacht bart der iets dat harren libben foar altyd feroarje sil. Sil syn kar dy nacht hat gefolgen. Dyselde feroaring bringt grutte ûnrêst yn de maatskippij en bringt ek de nedige emoasjes mei him mei.

Kaartferkeap: Sil de Strânjutter sil te sjen wêze yn Doarpshûs De Pipegael yn Broeksterwâld. Tickets binne no beskikber fia www.itmoatkinne.nl/kaartferkeap.

De foarstellingen fine plak op: – Freed 7 maart, begjint 20.00 oere (útferkocht) – Sneon 8 maart, begjint 20.00 oere (útferkocht) – Freed 14 maart, begjint 20.00 oere (útferkocht) – Sneon 15 maart, begjint 20.00 oere (útferkocht) – Freed 21 maart, begjint 20.00 oere – Sneon 22 maart, begjint 20.00 oere

Fragen of mear ynformaasje? Stjoer in mail nei: ynfo@itmoatkinne.nl

10,11,17,18, 24 en 25 maart It moat kinne spilet “Lûnatik”

Toanielferiening It Moat Kinne Broeksterwâld/de Falom spilet dit jier it stik; Lûnatik!

In humoristysk stik basearre op de VPRO-serie Loenatik.

Lûnatik spilet him ôf yn psychiatrysk ynrjochting Sinnestriel, wêr’t de bewenners, ferpleging en direkteur Onno jimme op humoristyske wize meinimme yn harren núvere tiid yn it tehûs.

It binne mar frjemde fûgels, se binne eins allegear…. Te Gek!

In ekstraatsje wat regisseur Sander Kalsbeek tafoegt hat is de FryslânDOK kameraploech dy’t in dokumentêre meitsje sil oer Sinnestriel. By ûngelok binne se der krekt as direkteur Onno syn geheime plannen foar it ljocht komme.

Fansels is it nijs al gau bekend by de bewenners en dy betinke in healwiis plan wat eins te gek foar wurden is. Soe it wurkje?

Toanielferiening It Moat Kinne bestiet 29 jier en bringt nei in suksesfol dramastik The Griene Mile ( 8 op foarhân útferkochte jûnen en in útferkochte Harmonie) no in humoristysk stik.

Wy wurkje dit jier foar it earst mei regisseur Sander Kalsbeek. Hy hat yn septimber in rolferdieling makke en sûnttiid repetearje wy twa jûnen yn’e wike. Moandeis mei Sander en tongersdeis mei assistentregisseur Evert Rijpma.

Der spylje 10 persoanen yn dit stik.

De dekorploech hat it yn tuskentiid hiel drok mei in dekorstik dat technysk oanstjoerd wurde kin. In ferrassend element!

Klean, rekwisieten, techniek, grime, dekor, kaartferkeap, PR giet efter de skermen ek troch.

10, 11, 17,18, 24 en 25 maart spilet “it Moat kinne” LÛNATIK…….

10,11,17 en 18 maart uitverkocht, voor de voorstelling van 24 en 25 maart nog een aantal kaarten verkrijgbaar!

Kaarten verkrijgbaar via www.itmoatkinne en in de Foyer in het doarpshûs!

5,6,12,13,19,20,26 en 27 febrewaris spilet It moat kinne” The Griene Mile”

5,6,12 ,13, 19, 20, 26 en 27 Febrewaris spilet It Moat Kinne “THE GRIENE MILE” Yn Doarpshûs de Pipegael.

Toanielferiening It Moat Kinne út Broeksterwâld/De Falom spilet 5,6,12 13,19,2026 en 27 febrewaris it stik The Griene Mile, nei it boek The Green Mile fan Stephen King. ( wat letter ferfilme is mei yn’e haadrol Tom Hanks) The Griene Mile spylet sich ôf yn’e finzenis, jierren 30, in stik fol drama en humor. Hoe reagearret ien dy’t ûnskuldich yn’e finzenis bedarret? Hoe gean oare finzenen hjirmei om? Bestean der nog wûnderen? In ferhael mei emoasje, passy en magie! Kaarten te krijen fia www.itmoatkinne.nl en yn doarpshûs de Pipegael Broeksterwâld.